«Егер маңызды жағдайларға назар аударатын болсақ, Алматының жалпы өңірлік өнімі қала тарихында тұңғыш рет 8 трлн теңгеге жетіп, 6,3 пайыз өсімді құрайды. 9 айдың қорытындысы бойынша ЖӨӨ 8 пайызды құрады, ЖӨӨ 6,3 пайыз болжап отырған көрсеткіш, бұдан төмен болмауы тиіс», - деді Алматы әкімі.

Есімов атап өткендей, қаланың бюджеті 356 млрд теңгені құрады, бұл өткен жылмен салыстырғанда 50 млрд теңгеге өсті. Оған қоса, инфляция деңгейі 7 пайыз, ал 11 айдың қорытындысы бойынша 6,4 пайызды құрап отыр.

«Ел бойынша Алматы ЖІӨ – 20 пайызын, салық түсімінің 27 пайызын, бөлшек және көтерме сауданың 50 пайызын, сыртқы сауда айналымының бесінші бөлігін, 60 пайыз екінші деңгейлі банктердің несиелік портфелін қамтамасыз етіп отр», - деді әкім.

Өз кезегінде, осы жылы орташа жалақы 16 мың 500 теңгеге көтерілген. Яғни, 155 мың теңгені құрады. Жыл ішінде қалада 22 мың 600 жаңа жұмыс орны ашылған.

Индира Кауметова