«Мемлекет басшысы білім және ғылым министрлігіне жергілікті атқарушы органдармен бірігіп бір мамандықта адамдардың көбейіп кетпеуін бақылауға алуды тапсырды. Мемлекет бөліп отырған қаржы олардың жұмысқа орналасуы кезінде жұмсалуы тиіс», - деді әкім.

Бүгінгі таңда мұнай саласында кадрдың көптігі  белең алды. «Мұнайшы мамандығын бітірген түлектер жұмысқа орналаса алмайды. Барлық мұнай компаниялары толық. Жоғары айлық осы салаға адамдардың көптеп келуінің себебі», - деді ол.

Әкім атап өткендей, оның оқу орындарын ашып-жабуға құқығы жоқ. «Біз келесі жылдан бастап мұнайшы студенттерді дайындауды тоқтатамыз. Бұл ақша тапшы мамандықтарды оқытуға бағытталады», - деді ол.

Камила Амирова