Алматы күнін мерекелеуді ұйымдастыруға іскерлік және саяси элита өкілдері, екіжақтың бизнес қауымдастықтары қатысады.

Облыстық орталықта Алматы қаласының тарихы туралы «Алматы - Тәуелсіздіктің алтын бесігі» атты фотокөрме өтеді. Оған мәдени астананың музей қорларынан алынған суреттер қойылады.

Сондай-ақ, Өскеменнің мектептерінде Алматы қаласының ұстаздары ашық сабақтар мен мастер-класстар өткізеді. Денсаулық сақтау саласында мамандарға арналған консультативтік-диагностикалық қызмет бойынша кеңестер өткізу жоспарланған.

Шара аясында «Алматы мен ШҚО бизнес ынтымақтастығының әлеуеті» бизнес-форумы өтеді. Ұйымдастырушылардың айтуынша, бұл қаржы институттарының конструктивті алаңы болмақ.

Мерекелеу күндері металлургтердің мәдениет сарайында өтеді. Салтанатты гала-концертке ҚР мәдениет қайраткерлері, театр және операның майталман мамандары, «Сазген Сазы» ансамблі қатысады.