«Қарғалы ауданына жасаған сапары кезінде өңір басшысы алдымен жол бойында орналасқан «Айшуақ» шаруа қожалығында болып, ондағы шаруаның жай-күйімен танысты. Шәмші Қалдаяқов ауылынан 20 шақырым жерде орналасқан бұл шаруашылық мал өсірумен айналысады. Қазір бұл қожалықтың иелігінде 200 гектар аумақты қамтитын жайылымдық жері бар», - делінген хабарламада.  

Қожалық иесі Александр Клаттың айтуынша, шаруашылық мүйізді ірі қара, жылқы, шошқа, қой өсірумен қатар, құс асырайды. Бүгінгі таңда іскер жігіт 800-ден астам тауық пен 300-ге жуық үйрек өсіріп жатыр.

Облыс басшысы өз кезегінде қожалық иесіне түрлі мемлекеттік бағдарламаларға қатысып, шаруашылықтың ауқымын одан әрі кеңейту жайын айтты.