Шараның ашылу рәсіміне құрамында ШҚО әкімінің орынбасары, Зайсан және Жарма аудандарының әкімдері, екі ел өңірлерінің экономикалық, мәдени және гуманитарлық байланыстарын дамытуға жауапты басқармалар мен ведомстволардың басшылары болған делегация қатысты.

Бұдан басқа, облыс делегациясы ішінде қызметі ауыл шаруашылығымен, энергетика, өнеркәсіп, бұғы шаруашылығы және панта өнімдері, фанера мен метал бұйымдары өндірісімен байланысты шығысқазақстандық кәсіпкерлер тобы болды.

Қытайдың Шыңжаң-Ұйғыр өлкесіне үш күнге барған қазақстандық делегация қытай автономиясының басшылығымен ресми деңгейде келіссөздер мен таныстырылымдар өткізді. ШҚО делегациясының көрші қытайлық провинцияға сапары бүгін бірлескен қытайлық-қазақстандық мәдени бағдарламамен аяқталмақ, делінген хабарламада.