Сумен қамту нысандарын іске қосу ұйымдарының қаржы-шаруашылық қызметін жақсарту мақсатында биыл бұл мекемелерінің материалдық-техникалық базасын нығайту және жарғылық капиталын толықтыру туралы шешім қабылданды.

Іске қосу ұйымдары жоқ ауылдық елді мекендерде 46 пайдалану учаскесін құру үшін облыстық бюджеттен 800,0 млн.теңге бөлінді.

«Әрбір учаскеге бір-бір экскаватор-жүк тиегіш, Беларус тракторы, трактордың самосвал тіркемесі, тіркемелі дәнекерлеуші агрегат, полиэтилен құбырларды дәнекерлеуге арналған аппарат сатып алынды», - делінген хабарламада.  

Жалпы Алматы облысында «Ақ бұлақ» бағдарламасының бірінші кезеңінде 2011-2015 жылдары 350 нысанда 55,5 млрд. теңгеге жұмыс жүргізу жоспарланған.

Соның нәтижесінде 275 елді мекенге берілетін су сапасы жақсартылып, орталықтандырылған сумен қамту деңгейі 73,5% жететін болады.