«Қазақстан экспорт бойынша әлемде жоғары деңгейге ие. Ұн бойынша біз 10-қ қатарындамыз, астық бойынша да әлемде жетекші елдердің бірі болып есептелеміз. Сондықтан да астық тек Ресейге ғана экспортталады деп айтуға болмайды. Әлеуметтік нанның бағасын мемлекет бірнеше жылдар қатарынан реттеп келеді», - деді «ҚазАгро» ҰБХ» АҚ басқарма төрағасының орынбасары Қайрат Айтуғанов.

Айтуғановтың айтуынша, Қытайға экспорттау сұрағы өзекті мәселе.

«Қытай нарығының сараптамасы алынды. Қытайлық тұтынушы осы күнге дейін біздің ұнымыздың сапасын білмей келді. Бүгінгі күні сұраным өсуде. Көктемде 100 мың тоннаны экспортқа шығаруға қатысты келісім орнатылды», - деді ол.

Оның айтуынша, жыл сайын бұл экспорт өсіп отырады.