«Ауданда жалпы ұзындығы 11,45 км болатын 13 көше асфальтталды. Осы мақсатта бюджет қаражатының 200 млн теңгесі бөлінді», - делінген хабарламада.

Сонымен қатар қаланы абаттандыру мен көркейту жұмыстары аясында көшелер кеңейтіліп, аллеялар мен гүлзарлар жаңартылды. Және де балалардың 4 ойын алаңы салынып, 4 автобус аялдамасы пайда болды.

Хабарламада айтылғандай, «Өңірлерді дамыту» бағдарламасын іске асыру аясында ауданның 7 елді мекенінде балалардың спорттық-ойын алаңы ашылып, 9 елді мекенде орталық көшелерді жарықтандыру жұмыстары жасалды.