«Екі қабатты ғимарат 280 балаға есептелген. Оның құрылысы үшін республикалық бюджеттен 405 млн теңге бөлінді, мердігер «СтройТехКомплект» ЖШС», - делінген хабарламада.

Мұнда 2015 жылдың мамыр айында 320 орынға есептелген тағы бір балабақшаның құрылысын бастау жоспарланған. Бұдан басқа шағын ауданда 624 оқушыға арналған техникалық гимназияның құрылысы жүруде.

Айта кетерлік жайт, 2014 жылы  Атырау облысында  жалпы 3180 орынға есептелген 17 балабақша ашылса, 2015 жылы 2340 орынға есептелген 11 балабақша пайдалануға беріледі деп күтілуде.