Бұл құс фабрикасы Индустриаландыру картасы жобаларының біріне жатады. Іске қосылған құс фабрикасы ауылдық елді мекенді дамыта түсері сөзсіз. Аталмыш фабрика жылына жергілікті нарыққа 8 мың тоннаға дейін құс етін шығаруға қауқарлы. Фабриканың іске қосылуымен жүзден аса ауыл тұрғыны тұрақты жұмыспен қамтылды.

Фабрика бастапқы қезеңде 4 мың тоннаға дейін бройлер құс етін шығаратын болады. Бұл біздің өңір тұтынатын құс етінің 70% тең. 2016 жылы фабрика қуатын 8 мың тоннаға дейін ұлғайту көзделген. Артық өнімді сыртқы нарыққа шығаруды жоспарлап отыр.

Инвестициялық жобаны іске асыруға барлығы 3 млрд. теңгеден аса қаражат бөлінген.

«Қызылжар құс» фабрикасын қайта жаңғыртуға жергілікті атқарушы органдар да қолдау көрсетті. Атап айтқанда, Моноқалаларды дамыту, «Бизнестің жол картасы - 2020» және «Агробизнес - 2020» бағдарламалары арқылы мемлекеттік қолдау жасалды.