«Салтанатты шараға облыс әкімі Қ.Көшербаев, «Самұрық-Қазына» жылжымайтын мүлік қоры» АҚ басқарма төрағасы Болат Палымбетов қатысып, құрылыстың алғашқы іргетасын қалады», - делінген хабарламада.

Жаңа баспаналар З.Шүкіров көшесінен бой көтереді. Алдағы екі жылда тұрғызылатын баспананың әр шаршы метрі 131 537,4 теңге шамасында болады.

Қордың басшылығы құрылыс жұмыстарын сапалы жүргізіп, нысанды уақытылы тапсырамыз дейді. Бүгінгі күні аталмыш қор Қызылордадан басқа Астана, Алматы мен Қарағанды, Шымкент, Ақтау және Өскемен қалаларында тұрғын үй құрылысының жобаларын іске асыруда. Ал, 2016 жылдың аяғына дейін елімізде қосымша 600 мың шаршы метрден астам тұрғын үйлер пайдалануға берілетін болады.

Айта кетейік, облыста биыл салынған тұрғын үй өткен жылмен салыстырғанда 25 пайызға артқан. Мәселен, биыл 855 пәтер пайдалануға беру жоспарланған.