«Бүгін пайдалануға 45 пәтерлі екінші көпқабатты үй тапсырылды. Жаңа пәтер кілттерін Ақмола облысы әкімінің орынбасары Қадірхан Отаров табыстады», - делінген хабарламада.

Бүгінгі таңда 209 жапа шеккен отбасының ішінен 119 отбасы пәтерге ие болды. Сондай-ақ, желтоқсан айының соңында тағы екі 45 пәтерлі баспананы тапсыру жоспарланған.

Әкімдікте хабарлағандай,республикалық бюджет пен облыстық қаржыдан ТЖ-ны жою аясында 2 млрд 169 млн теңге бөлінді. Бөлінген қаржыны игеру 99,4 пайызды құрады. Аталмыш қаржы медициналық  оқу орны  жатақханасының жөнделуі мен 45 пәтерлі үйдің құрылысына, аула абаттандырылуына, жол-көлік жүйесінің жөнделуіне, мектептің инженерлік-қалпына келтіру жұмыстарды қалпына келтіру қондырғыларын сатып алуға бағытталды.