«Елімізде онкологиялық қызметті жаңғырту және дамыту шаралары қабылдануда.  2014-2015 жылдар ішінде 5 онкологиялық орталық жаңғартылады. Атап айтар болсақ, Семейде жыл соңына дейін ядролық медицина орталығы құрылады»,- деді С.Мусинов.

Вице-министр атап өткендей, - Астана, Алматы, Ақтөбе, Қарағанды қалаларында дәл осындай орталық 2015 жылы құрылады.

««100 мектеп-100 аурухана» жобасы аясында 92 клиника бой көтерді, олардың ішінде перзентханалар, балалар ауруханасы мен емханалар бар. 2016 жылы 350 емхананың құрылысын аяқтау көзделген»,- деп толықтырды ол.

Сондай-ақ ведомство басшысының орынбасары еске салып өткендей, еліміздегі тас жолдардың бойында 26 медициналық-құтқару пункті жұмыс істейді. «Біз  40 инсульт орталығын аштық, тағы 30-ын ашуды жоспарлаудамыз», - деді ол.

С.Мусинов атап өткендей, елімізде өмір сүру ұзақтығы мен бала өлімі және туберкүлездің таралуы бойынша көрсеткіштер біршама жақсарды.

Камила Амирова