«Мемлекеттік «Балапан» бағдарламасының аясында 2010 жылдан бері  барлығы  217  мектепте дейінгі білім  мекемесі  ашылса, оның 81 балабақша, 136 шағын орталық. Осы уақыт  ішінде 1 ден  6  жас аралығындағы бүлдіршіндерді мектепке дейінгі тәрбиемен қамту - 15,9% пайызға өскен. 3 пен 6 жас аралығында - 22,3%», - делінген хабарламада.

Облыс әкімдігінде, 3-6 жас аралығындағы бүлдіршіндерді мектепке дейінгі біліммен қамтуға байланысты Елбасының тапсырмасына сәйкес облыста 2014-2020 жылдарға арналған кешенді бағдарлама қабылданды.

2013 жылы барлығы  18 балабақша, 2 шағын орталық ашылып, онда 3115 бала  мектепке дейінгі біліммен қамтылған болатын. Оның ішінде 2 бөбекжай республикалық, 1-уі облыстық бюджеттен бөлінген қаражатқа соғылған. Жекеменшіктен қайтарылып алынған 4 балабақшада - 510, бұрын бөбекжай болған 3 ғимаратты қалпына келтіруден соң – 560 орын ашылса, 7 жекеменшік, мектептер жанынан 75 орындық 2 шағын орталық, балабақшалардан 485 бөбекке арналған қосымша топтар жұмыс істеуде.