Техникалық регламентті Ресейдің Өнеркәсіп және сауда министрлігі әзірлесе, Қазақстаннан Индустрия және жаңа технологиялар министрлігі аталмыш іске атсалысыпты. Медициналық, сонымен қатар, жолаушыларды тасымалдау мақсаттарында қолданылатын, сондай-ақ, антикварлық, қолданыста болып, жөндеуден өткен жиһаздардан өзге жиһаз түрлеріне техникалық рег­ламент жүреді. Регламентте жиһаздың беріктігі, биіктігі, қаттылығы-жұмсақтағы секілді талаптар бар. Құрамындағы түрлі химиялық заттардың мөлшері де белгіленген. Мәселен, жиһаздағы аммиак мөлшері – 0,04 мг-нан, формальдегид – 0,01 мг-нан, фенол – 0,003 мг-нан аспауы тиіс.

Бұл заттардың мөлшерден көп болуы адам денсаулығына кінәрат әкелуі мүмкін. Мұндайды болдырмау үшін жиһаз тиісті зертханаларда тексерілуі керек екен. Сондай-ақ, әр жиһаздың сертификаты мен паспорты болуы шарт.

Сонымен қатар, егер жиһаз маркалау талаптарына сай келмесе, шағын бизнес өкілдеріне – 50 АЕК, орта бизнеске – 100 АЕК және ірі бизнеске 200 АЕК айыппұл салынады.