Бүгін ШЫҰ саммиті барысында Мемлекет басшылары Үндістан мен Пәкістанды ШЫҰ-ға қабылдау процесін аяқтау және мүше мәртебесін беру туралы тарихи келісімге қол қойды.

«Бүгін 2017 жылдың 9 маусымында елордада тарихи оқиға орын алды, біз ресми түрде ұйымға мүше болу үшін барлық шартарды орындаған Үндістан Республикасы мен Пәкістан Республикасын  ШЫҰ-ға мүше ретінде қабылдадық.  Сіздердің және өзімнің атымнан Нарендра Моди мен Мұхамад Наваз Шарифті ШЫҰ-ға мұше болуларымен құттықтауға рұқсат етіңіздер», - деп жариялады Н.Назарбаев.

ҚР Президенті атап өткендей, бұл тарихи жағдай Шанхай ынтымақтастық ұйымының кеңістігін кеңейтіп, халықаралық беделін арттырады. Сонымен қатар, Мемлекет басшысы ҚХР ШЫҰ-ға төрағалық етуімен құттықтады.

Сондай-ақ, ШЫҰ  мемлекеттерінің басшылары қорытынды құжаттарға қол қойды.

Қорытындылай келе Қазақстан Президенті Нұрсұлтан Назарбаев барлық қатысушыларға алғыс білдіріп, бүгін кешке өтетін ЭКСПО-2017 халықаралық көрмесінің ашылу салтанатына шақырды.

Ақбота Күзекбай