ҚР АШМ Баспасөз қызметі хабарлағандай, ҚР Премьер-Министрі Б. Сағынтаевтің Орталық Азия бойынша Дүниежүзілік банктің аймақтық директоры Лилия Бурунчукпен және Банктің Қазақстандағы тұрақты өкілі Френсис Ато Браунмен кездесуі негіз болды.

Кездесу барысында Вице-Премьер А. Мырзахметов ауыл шаруашылығы секторындағы өткізілетін жаңа мемлекеттік бағдарламалар туралы баяндап, оның ішіндегі АӨК дамыту тетіктеріне тоқталды. Осыған қоса субсидияландыру және мемлекеттік қолдау бойынша  жаңа жүйенің жүзеге асырылатынын мәлімдеді.

Дүниежүзілік банктың басшысы А.Шривастав өз кезегінде Дүниежүзілік банк сарапшыларының біліктілігімен және тәжірибелерімен бөлісуге дайын екендігін айтты.

Кездесу соңында екітарап Агроөнеркәсіптік кешені саласында тығыз байланыста бірлесіп жұмыс жасауға уағдаласты.