«Қазақстандық делегацияны ҚР Сыртқы істер министрінің орынбасары Асқар Мусинов, қытайлық делегацияны ҚХР Сыртқы істер министрінің орынбасары Чэн Гопин басқарды.Консультациялар барысында тараптар екіжақты ынтымақтастықтың кең ауқымды мәселелері, сондай-ақ БҰҰ, ШЫҰ, АӨСШК сияқты халықаралық ұйымдар шеңберіндегі өзара әрекеттестік бойынша пікір алмасты», - деп хабарлады сыртқы істер министрлігі.

Тараптар өзара тиімді ынтымақтастықтың нәтижелі дамуына қанағат білдіріп, үнемі өткізілетін сыртқы істер министрліктері арасындағы консультациялар Қазақстан мен Қытайдың жан-жақты стратегиялық әріптестікті ілгерілетуге мүмкіндік беретін маңызды тетік болатынын айқындады.

«ҚХР СІМ жоғары өкілі Қытайдың трансшекаралық су ресурстарын бөлу туралы қазақстан-қытай үкіметтері арасындағы келісімді әзірлеу бойынша келіссөздерді 2015 жылдың басында бастауға әзірлігін растады.Сонымен қатар консулдық-визалық мәселелері көтерілді», - делінген хабарламада.