Қорғаныс министрлігінде хабарлағандай, әуе шабуылына қарсы қорғаныс біріккен жүйесінің бірлескен іс-шаралар жоспары шеңберінде өтіп жатқан жаттығуға түрлі деңгейдегі командалық пункттер, радиотехникалық әскерлердің бөлімшелері, зениттік ракеталық дивизиондар, сондай-ақ қазақстандық және ресейлік әскери-әуе күштердің 10-нан астам ұшақтары қатысуда.

«Бірлескен жаттығуға РФ Әскери-ғарыштық қорғаныс әскерлерінің қолбасшысы генерал-лейтенант Александр Головко басшылық жасаса, ҚР ҚК Әуе қорғанысы күштерінің бас қолбасшысы авиация генерал-майоры Нұрлан Орманбетов оның орынбасары болып табылады», - делінген хабарламада.

Бірлескен жаттығуды өткізу ТМД-ға қатысушы мемлекеттер Әуе шабуылына қарсы қорғаныс біріккен жүйесінің өзара іс-қимыл мен үйлесімділік мәселелеріндегі тиімділігін көрсетеді. Бұл Достастық елдерінің әуе кеңістігін сенімді қорғауды қамтамасыз етеді.