Іс-шара  барысында әлеуетті инвесторлардың назарына біздің АЭА инвестициялық мүмкіншіліктері ұсынылды, атап айтқанда «Инновациялық технологиялар паркі», инвесторлармен жұмыс жасау жөніндегі Қазақстан Республикасының жаңа бастамалары, соның ішінде мемлекеттік қолдау шаралары.

«Роуд-шоуға Сингапур тарапынан 50-ден астам ұйымдар мен жетекші компаниялар қатысты, соның ішінде «IDA International», «International Enterprise Singapore», «Singapore Manufacturing Federation», «ITOCHU Singapore», «NEC Corporation»,«Global Business Groups», «Igawara Industrial Service» and Trading», «ST Electronics» және тағы басқа», - делінген хабарламада.

Роуд-шоу шеңберінде Қазақстанмен байланыстарды орнатуға қызығушылық білдірген «ITE Education Services», «CrimsonLogic», «ITOCHU Singapore», «EMBRAER Asia Pacific», «Surbana International Consultants», «SIPM Consultants», «Leong Siew Weng Engineering» және «Hong Kong Daji Investment» компаниялармен екіжақты кездесулер өткізілді. Сондай-ақ, «KAZNEX INVEST»экспорт және инвестициялар бойынша Ұлттық агенттігі және «Singapore Philippine Tech Venture» компаниясы арасыныдағы өзара түсіністік жөніндегі меморандумға қол қойылды.