Б.Қарасаевтың айтуынша, өнеркәсіптік  өнімді  шығару  көлемі  12 млрд теңгеге өсіп,  52,0 млрд теңгені  құрады. Облыс басшылығы  қолдауының нәтижесінде «Талдықорған» индустриалды аймағы инженерлік-коммуникациялық инфрақұрылыммен  қамтылды.

«Қазіргі таңда 2 зауыт пайдалануға берілді, ол өсімдік майын бөлетін  «Сарқан май» зауыты мен синтетикалық жуу өнімдерін шығаратын «Аманат Казына». Қорытындысында 648,0 млн теңге инвестицияланып, 45 жаңа жұмыс орны ашылды», - деді әкім.

Сондай-ақ, қала басшысының айтуынша, ауыл шаруашылығы саласында жалпы өнім көлемі  14,0 млрд теңгеден артты, физикалық индекс көлемі 101,9 пайызды құрады.