Табиғи газ өндіру жыл ішіндегі 6 пайыздық өсіммен 4 736 млн. текше метрге  жетті,  2014 жылдың жоспарына қосымша  267 млн. текше метр өндірілді.

«Мұнай тасымалдау. Күреқұбырлар жүйесімен мұнай тасымалдау көлемі   64 005 мың тонна құрады және жоспармен салыстырғанда 1 пайызға артты. Теңіз бойынша мұнай тасымалдау есепті кезеңде 9 606  мың тонна құрап,  өткен жылдың осы уақыттағы көрсеткішімен салыстырғанда 9 пайызға артты», - делінген хабарламада.

Мұнай өңдеу көлемі 2014 жылы жоспардағы 14 889 мың тонна орнына 14 911 мың тонна құрады.  Шымкент және Павлодар  мұнай өңдеу  зауыттарын қайта құру үшін нақты жұмыстар басталды.