«Бүгінде ресейлік әріптестермен бірге Қазақстан Республикасында тікұшақтарды құрастыру жобасы қарастырылуда. Яғни, Қазақстанда жасалынған деген маркамен Ка-226Т тікұшақтарын құрастыру талқылануда. Жалпы, Ка-226Т тікұшақтарын құрастыруды бастау 2016 жылға жоспарлануда», - деді К. Ушаков.

Сонымен қатар, ресейлік тікұшақтарға маркетингтік зерттеу жүргізілді, осы ретте Қазақстандағы тікұшақтарға қажеттілік жоғары екені белгілі болды. Мемлекеттің жер көлемі үлкен және әр аймақтағы климаттық жағдай әртүрлі.

Белгілі болғандай, бүгінде Қазақстанның тікұшақтарға қажеттілігі 200-250 көлікті құрап отыр. Болашақта Ка-226Т тікұшақтарымен барлық қызмет көрсету жүйесін қамтамасыз ету көзделуде.

«Тікұшақ техникасынан басқа Харьков мемлекеттік авиациялық кәсіпорынмен Меморандумға қол қойылды. Зауыт жүк тасымалдайтын АН-74 ұшақтарын шығарады. Өзге украиналық зауыттармен еліміздің қозғалтқыштар паркіне қызмет көрсету бойынша келісімшарт жасалынды», - деп толықтырды К. Ушаков.

Айта кетерлік жайт, «№405 авиажөндеу зауыты»  Қазақстанның авиаөндірістік нарығындағы 75 жылдық  мерейтойын атап өтті.

Камила Амирова