Жұмыстар «Инновациялық технологиялар паркі» АЭА пилоттық жоба ретінде жүргізіледі, деп ведомствода хабарлады.

Басқарудың жаңа моделі басқару органының тиімді ұйымдастырушылық құрылымын енгізуді, ішкі бизнес-процестерді және өзара әрекеттесу рәсімдерін оңтайландыруды, жұмысты «бір терезе» қағидасы бойынша ұйымдастыруды қарастырады.

АЭА-ға инвесторларды тарту сапалық тұрғыдан жаңа деңгейге көтеріледі және нарықты егжей-тегжейлі талдауға, әлеуетті инвесторлардың мақсатты ортасын анықтауға, маркетингтік стратегия мен жоспарды әзірлеуге, «роуд-шоу» өткізуге және АЭА Басқарушы компаниясы қызметкерлерін оқытуға негізделетін болады..

Пилоттық АЭА жұмысының оң тәжірибесі болашақта Қазақстанның басқа АЭА-на енгізілетін болады. Бұл отандық АЭА инвестициялық тартымдылығы мен экономикалық тиімділігін арттыруға, сондай-ақ оларды басқарудың халықаралық стандарттарының деңгейіне көтеруге мүмкіндік береді.

«Сонымен қатар, «JURONG Consultants» компаниясымен бірлесіп, ҚР ИЖТМ-нің «KAZNEX INVEST» АҚ негізінде АЭА дамыту және ілгерілету бойынша бірыңғай корпоративтік орталық құру бойынша жұмыс жүргізілуде», - делінген хабарламада.