Жобаның басты ерекшелігі ол бір-бірімен қазақ, орыс және ағылшын тілдерінде сөйлескісі келетін қолданушыларға арналған тұңғыш мессенджер.

««Айтыс»  (iTys) өнімі қолданбада ұлттық стильде безендірілген.  Болашақта қолданбада тегін дауыс қоңыраулары, қазақ тілінің автокорректоры, графикалық редакторы сервисі н енгізуді көздеп отырмыз.  Бұл міндетті жүзеге асыру үшін талантты мамандарды тартатын боламыз», - деді ол.

Айта кетерлік жайт, отандық өнімде автожою функциясы бар. Бұл әлемдегі бірде бір мессенджерде жоқ, ол сіздің жазбаңызды сақтап, өзгелердің оқып қоюына мүмкіндік бермейді. Оның үстіне бұл қосымшаны пайдалану қандайда бір төлемді қажет етпейді. Ол тегін қосымша болып табылады.

Бұдан басқа, жоба туралы пікрілеріңізді  www.itys.kz  сайтында қалдыра аласыздар және дәл осы жерден қосымшаны жүктеуге  болады. 

Жоба авторларының айтуынша, бұл қосымша смартфондар үшін қолжетімді және алдағы желтоқсан айында iOS платформасына көшуді жоспарлап отыр.

Индира Қауметова