«Ұлттық техникалық дамыту агенттігі» АҚ басқарма төрағасы Айдын Құлсейітов пен ҚР Ұлттық кәсіпкерлер палатасы басқарма төрағасының орынбасары Екатерина Никитинская меморандумға қол қойды.

Меморандум аясында тараптар Қазақстан Республикасында индустриялды-инновациялық даму мақсатындағы ынтымақтастыққа келісімге келді, деп хабарлайды palata.kz порталы.

Құжатта инновациялық даму, мемлекеттік қолдауды кеңінен тарату мен оны ілгерілету, бірлескен сараптамалық топ құру, ҰКП Өңірлік палатасы қызметкерлерін индустриялды-инновациялық жобаларды іске асыру кезінде мемлекеттік қолдау тетіктерін алу мәселесі бойынша кәсіпкерлерге ақпараттық-кеңес беру қызметтерін көрсету ережелеріне тегін оқыту қарастырылған.