ҚПО, KAZENERGY қауымдастығы мен «PSA» ЖШС кластерлік өндірістің тауар, қызмет пен жұмыс тізімін анықтау бойынша жұмыс тобын құру туралы өзара түсіністік туралы ұшжақты меморандумға қол қойды. Осы арқылы бірлескен кәсіпкерлікті құру мен қызығушылық танытып отырған батыстық өндірушілермен қолданыстағы өндірісті жаңғырту қарастырылған, деп хабарлайды МГМ консорциумға сілтеме жасай отырып.  

ҚПО мен Ақсай индустриялды паркі (АИП) бұрындары қол қойылған құрылғыны тексеру зертханасын, арматура жөндеу цехын құру мен трубаларды іштей тазалау технологиясын енгізу және өзге де бастамаларды қарастыратын Жол картасына қол қойды.  

ҚПО мен «Тенарис Глобал Сервисез Қазақстан Ltd» компаниясы Ақтаудағы тұрбаны бұрандама-кескілеу цехы құрылысына қатысу мақсатында келісім құрды. Аталмыш жобаны іске асыру үшін шамамен 40 млн АҚШ доллары көлеміндегі инвестиция тарту қажет. Нәтижесінде бұл жерде 90 жұмыс орны ашылады деп күтілуде.

Қазақстандық қамтуды арттыру бағдарламасы аясында ҚПО 1998-2013 жылдары аралығында ҚПО-нен 4 морд доллардан астам тапсырыс алған үш мыңнан астам қазақстандық кәсіпкерліктердің Қарашығанақты игеруіне ат салысты. Өткен жылы ҚПО келісіміндегі қазақстандық қамту үлесі 50%-дан асып, 461,1 миллион долларды құрады.