Тұңғыш Президент күнiн мерекелеу жоспары мәдениет, бiлiм беру, спорт салаларын қамтитын қоғамдық маңызы бар 280-нен астам iс-шараны өткiзудi қамтиды.

«Мереке аясында тұрғын үй мен жатақханалар, жабық хоккей корты, жаттығу залы, сауда ойын-сауық орталығы, мал шаруашылығы фермасы, сүт өңдеу цехi, макарон және шұжық өнiмдерiн өндiру цехi, шағын наубайхана, дәмхана және дүкен сияқты 22 әлеуметтiк маңызы бар нысанды ашу жоспарланған», — дедi Әсем Рахметова.

Мұнымен қоса, өңiрде Қазақстан Республикасы Тәуелсiздiгiнiң 25 жылдығын мерекелеу бойынша ауқымды ұйымдастыру шаралары жүзеге асырылуда. Бiрiншi кезекте, жоспарына 350 мыңнан астам адамды қамтуды көздеп отырған 5 700 iс-шарадан тұратын «Ұлы дала елi — Тәуелсiздiктiң 25 негiзi» 25 жұлдызды күн распубликалық акциясы өткiзiлiп жатыр.