«Осында домбыра, баян ойналып, кәріс пен ұйғыр халқының ұлттық аспаптарында әндер шырқалды. Сондай-ақ, ұлттық киім киген байқауға қатысушылар өзбек, татар, кәріс, ұйғыр халықтарының билерін биледі және сахнада кавказ биі ерекше шеберлікпен орындалды», - деп хабарлады Жоғарғы сот.

Шаңырақ іспеттес арнайы жабдықталған сахна төріндегі дастархан басында әр ұлт өкілдері бас қосып, халқымыздың бірлігін, бейбітшілік пен келісім жайлы пікір алмасты.    

«Байқауда бас жүлдені Өскемен қаласы сотының «Шаңырақ» командасы иеленсе, Семей өңірінен келген «Өнерлі ұлттар.kz» командасы бірінші орынға, Семей қалалық сотының «Туған жер» командасы екінші орынға, ал Өскемен өңірлік сотының «Тілге тағзым» командасы үшінші орынға ие болды», - делінген хабарламада.