«Байқауға түрлі мекемелер мен ұйымдардың, этномәдени бірлестіктердің өкілдері,электрондық және баспа БАҚ тілшілері, жастар, мемлекеттік қызметшілер қатысты», - деп хабарлады облыс әкімдігі.

«Әрине, жер бетіндегі кез-келген ұлт үшін өзінің ана тілінен артық тіл жоқ. Асыл көп болғанымен тілден биік асқар жоқ, тілден асқан бақыт жоқ. Себебі, тіл – халықтың болмысы, асыл мұрасы, тарихы мен тағдыры, ұлттың ары мен жаны. Мемлекеттік тіл – елдің тұғырлы тірегі. Ынтымағының, ұлылығы мен бірлігінің діңгегі. Мәңгілік соғар жүрегі. Елбасымыз Нұрсұлтан Әбішұлы Назарбаев баса айтқандай, «тіл - ұлтты күшейтудің бірінші тетігі», - деді өзінің құттықтау сөзінде Қарағанды облысының әкімі Нұрмұхамбет Әбдібеков. 

Бүгінгі күні тұрғындар арасында мемлекеттік тілді меңгеруге деген құлшыныс өте зор, талабы мол. Облыс бойынша заманауи құралдармен жабдықталған оқыту орталықтары жұмыс істеуде, мемлекеттік тілді оқыту курстары ұйымдастырылды, аймақтық арналар -арнайы телехабарлар таратуда. 

Мемлекеттік тілді меңгерген өзге ұлт өкілдерінің саны жыл санап артуда. Облыс көлемінде қазақ тілінде оқытатын мектептер мен балабақшалар саны жылдан жылға көбеюде. Сонымен қатар, түрлі байқаулар өткізіліп, инновациялық жобалар қолға алынуда. Ең бастысы, жұртшылық санасында – ұлттық құндылықтарға үлкен ізет, тілге деген терең құрмет орнығуда.