«Қазақстан-2050» Стратегиясында Мемлекет басшысы Нұрсұлтан Назарбаев отандық тілдік саясаттың қазақ ұлтын біріктіретін басты факторлардың бірі екенін айтқан болатын. «Біз келер ұрпаққа бүгінгі тілімізді мұра етіп қалдыруымыз керек. Бұл тіл біздің ата-бабамыздан жеткен ұлы байлығымыз. Бұл міндеттемені өзін өзі сыйлай алатын кез келген азамат өз бетінше орындауы тиіс», - деген еді Елбасы. Мемлекеттің бүгінгі таңда ана тілімізді нығайту бойынша атқарып жатқан қыруар жұмыстарына қарамастан бүгінгі таңда әсіресе жастар арасында бұл тұрғыда көптеген қиындықтар жоқ емес. Біз сол мәселелерді ашып, тілді насихаттау бойынша ауқымды шаралар жүргізіп, сарапшылар, ғылыми қызметкерлер мен жастар арасында тәжірибе алмасатын бірыңғай диалогтық алаң құрмақшымыз», - дейді «Студенттік өзін өзі басқару және даму одағы» КҚ жобасының үйлестірушісі Дастан Далелханов.

Сонымен қатар, конференция аясында жергілікті және орталық мемлекеттік орган өкілдері 2020 жылға дейінгі тіл қызметі мен дамуы мемлекеттік бағдарламасы аясында жүргізіліп жатқан жұмыстар туралы баяндады. Жастарға тіл үйрету, соның ішінде кірме ұлттарға қазақ тілін үйрету саласындағы жұмыс тәжірибесі жайлы оқу орындарының оқытушылары бөлісті. Сонымен қатар, жастар да мемлекеттік тілді дамыту туралы пікір қосты.

Осылайша әрбір қатысушыға жастар арасында мемлекеттік тілді дамыту мен насихаттау бойынша өзіндік ойлары мен ұсыныстарын айтуға мүкмкіндік беріледі. Ортаға салынған барлық пікірлер конференцияның қорытынды резолюциясына енгізілмек.

Айта кету керек, шараны ұйымдастырушылар ҚР БҒМ Жастар ісі комиетінің қолауымен Студенттік өзін өзі басқару және даму одағы» КҚ.

Мадина Нұрбекова