«Бағдарламаның бірінші бағыты міндетті медициналық сақтандыру жүйесін енгізу. Мемлекет басшысының  тапсырмасы бойынша енгізу уақыты 2017 жылдың басына бекітілген.  Бұл орайда  бюджет жобасында  денсаулық сақтау саласына бағытталатын  2017-2019 жылдардың қаражаты  республикалық деңгейге негізделген. Бұл шара бізге   сақтандырудың бірыңғай инфрақұрылымдық  жүйесін әзірлеуге мүмкіндік береді. Сондай-ақ,  «қаражат науқастардан» ұстанымын толық жүзеге асыруға мүмкіндік береді», - деді Т.Дүйсенова.

Министр айтып өткендей, әртүрлі тарифтер науқастарға жергілікті бюджеттен қаржыландырылатын  әлеуметтік-маңызды аурулар бойынша қызмет көрсетуді таңдау еркіндігін ұсынбаған.

«Бүгінде МӘМС  қорында нормативтік-құқықтық актілердің сәйкес  жобалары әзірленді, олар Қордың жүйесін реттейтін болады. Сондай-ақ, МӘСМ енгізу бойынша республикалық  және өңірлік штабтарда, барлық ЖОО-да  жұмыскерлерді дайындау жүргізілуде.  2017 жылдың  1-ші сәуіріне дейін  осы сынды курстар  45 мың жетекшіге жүргізіледі», - деді министр.

Ботагөз Айтжанова