Коронавирус: Елордада 8-наурызға арналған мерекелік шаралар өтпейді

Мемлекет басшысы Қасым-Жомарт Тоқаев коронавирус инфекциясының алдын алу үшін елордада 8-наурызға арналған мерекелік шаралар өтпейтінін айтты. Ол бұл туралы Твиттер парақшасында хабарлады.

"Халықаралық әйелдер күніне орай Нұр-Сұлтан қаласында жоспарланған салтанатты жиын мен мерекелік концертті өткізбеу жөнінде шешім қабылдадым. Бұл әлемде коронавирустың таралуына байланысты қауіпсіздік шарасы үшін жасалып отыр. Ардақты аналар мен аруларға зор денсаулық, бақ-береке тілеймін", - деп жазды президент.