Ерлан Жүніс

Анықтама:

Ерлан Жүніс  1984 жылы дүниеге келген. Ұлты-қазақ. Білім – жоғары.

2007 жылы Тараз қаласындағы М. Х. Дулати атындағы Тараз Мемлекеттік Университетінің «Әлем тілдері» факультетін тәмамдаған.

2001 жылы «Жыр перзент» жинағы жарыққа шықты.

2007-2009 жылдар аралығында   «Кентавр» әдеби апталығында , 2009 жылы «Қазақ әдебиеті» газетінде, 2011 жылы Республикалық қоғамдық-саяси «Айқын» газетінде қызмет еткен. Қазір Қазақстан Жазушылар Одағында референт-әдеби кеңесші қызметінде.

Жетістіктер:

2001 жылы «Абай оқуларында» Бас жүлде;

2006 жылы Халықаралық «Шабыт» шығармашыл жастар фестивалінде «Әдебиет» аталымы бойынша Гран-При және «Ең дарынды өнерпазға» арналған Президент Кубогі;

2009 жылы Халықаралық «Бір өлең – бір әлем» мүшәйрасында 1-ші орын;

2013 жылы Төле бидің 350 жылдығына арналған Республикалық мүшәйрада 1-ші орын;

2012 жылғы Мемлекеттік Стипендия иегері;

«Біз – «Алтын ғасыр» дәуірінің ұрпағымыз. Осы кезеңде еркін өстік, оқыдық, жетілдік. Мұның барлығы Елбасымыздың арқасы, мемлекетіміздегі бейбітшілік пен келісімнің, тұрақты дамудың жемісі деп білеміз.Қазір «Алтын ұрпақ» өсуде, қалыптасуда. Олар – менің замандастарым.Біздің өміріміздегі және шығармашылығымыздағы ең көсем идеямыз – Тәуелсіздік. Отаншылдық пен мемлекетшілдік, тарихи зерделілік пен рухани сергектік – өмірлік ұстанымым.Ұлттық ойлау жүйесі мен ұлттық мінез-құлық, дүниетанымды «бренд» ретінде көтере отырып ұлт әдебиетін көркейту, «алтын ұрпақтың» жаңа рухани эстетикасын қалыптастыру, әлем кітапханаларынан өз орнымды табу – шығармашылық миссиям», - деді Е. Жүніс.