Қазақ хандығының этностық сипаты 30-ға жуық мемлекеттік құрылымдардың негізінде қалыптасты (Видео)

Қазақ хандығының этностық сипаты 30-ға жуық мемлекеттік құрылымдардың негізінде қалыптасты, деп мәлімдеді ҚР Ұлттық музейінің ғылыми қызметкері Меруерт Амирова Strategy2050.kz агенттігіне берген сұхбатында.

«Қазақ хандығы біздің заманымызға дейінгі бірінші мыңжылдығынан біздің заманымыздың екінші мыңжылдығының ортасына дейін Қазақстан аумағында өмір сүрген мемлекеттік құрылымдар мен мемлекеттердің заңды жалғасы, мұрагері болса, 15 ғасыр мен 19 ғасырдың бірінші ширегіне дейін Қазақстанда өмір сүрген ұлттық сипатта қалыптасқан мемлекет болып табылады. Қазақ хандығының тарихын мемлекеттілік даму тұрғысынан Қазақстан жеріндегі ежелгі Сақ,Ғұндар мен орта ғасырлық Түргеш, Батыс Түрік, Қарлұқ, Оғыз тайпаларының, одан бергі Қараханидтер мен Алтын Орда мемлекеттерімен тығыз байланысты көреміз», - дейді ол.

Оның айтуынша, жалпы Қазақстан жерінде мекен еткен отызға жуық мемлекеттер мен мемлекеттік құрылымдар қазақ халқының этностық негізін қалыптастырды.

Камила Амирова