Ербол Еділов Маңғыстау облысы әкімінің штаттан тыс кеңесшісі болып тағайындалды

Бұл туралы Ербол Еділов  Facebook-тегі парақшасында жариялады.

Еділов Ербол Оңдағанұлы,1981 жылы 30 қарашада Маңғыстау облысының Жаңаөзен қаласында туған.

Қазақ гуманитарлық заң университетінің прокурорлық-тергеу факультетін (2002) заңгер мамандығы бойынша; Қазақстан Республикасы Мемлекеттік қызмет істері  жөніндегі агенттігінің Еуразиялық оқыту орталығын (2007) «Нормативтік-құқықтық актілер: нормативті-құқықтық актілер мəтіндерін жазудың негізгі сипаттары, заңдарды қабылдаудың құқықтық процедуралары» тақырыбы бойынша; РФ Президенті жанындағы Ресей Халық шаруашылығы жəне мемлекеттік қызмет  академиясын (2014) МВА дəрежесімен бітірген.

Ганновер жəне Гонконг қалаларында оқыту мен машықтанудан өткен.

2000 жылдан – «ХАБАР» агенттігі» АҚ штаттан тыс хатшысы. 2002 жылдан – Жаңаөзен қалалық прокуратурасының қауіпсіздік жөніндегі маманы,прокурордың əлеуметтік-экономикалық саладағы заңдылықты қадағалау жөніндегі көмекшісі; Маңғыстау
облыстық прокуратурасының ЭСЖҚКД жəне ҰҚКД-дегі тергеу заңдылығын қадағалау басқармасының прокуроры.

2008 жылдан – «Бұрғылау» ЖШС бас директорының құқық мəселелері жəне қауіпсіздік жөніндегі кеңесшісі, «ҚазМұнайГаз» ҰК» АҚ «ТеңізСервис» ЖШС құқықтық жəне ұйымдастыру жұмысы департаментінің заң кеңесшісі.

2009 жылдан – «ҚазМұнайГаз» БӨ» АҚ «Өзенмұнайгаз» ӨФ заң департаментінің заң кеңесшісі.

2010 жылдан – «ҚазМұнайГаз» БӨ» АҚ Жедел басқару тобының еңбек қатынастары жөніндегі менеджері.

2012 жылдан «Маңғыстаумұнайгаз» АҚ адам ресурстарын басқару департаментінің директоры

2016 жылдан «Бұрғылау» ЖШС-нің атқарушы директоры.

2017 жылдан «GR Consulting Group» ЖШС-нің басқарушы директоры, 2018 жылдан Ш.Есенов атындағы КМТИУ ректор кеңесшісі лауазымын атқарған.

Н.А. Марабаев атындағы «Мұнайшы» қоғамдық қорының өкілі. «KAZENERGY» қауымдастығы Адами капиталды дамыту жөніндегі үйлестіру кеңесінің  мүшесі. Қазақстан мұнай-газ саласының заңгерлері қауымдастығының мүшесі.

Маңғыстау облысындағы мұнай-газ саласын дамытуға қосқан үлесі үшін «ҚазМұнайГаз» ҰК» АҚ «Маңғыстау  мұнайына 50 жыл» мерейтой белгісімен (2011); Жаңаөзен қаласы əкімінің (2011), Н.А. Марабаев атындағы «Мұнайшы» ҚҚ құрылтайшысының, «Маңғыстаумұнайгаз» АҚ бас директорының (2012),Маңғыстау облысы əкімінің (2015) Алғыс хаттарымен марапатталған. Бірнеше рет Маңғыстау облысы прокурорының бұйрықтарымен көтермеленген (2005-
2007).