EXPO-2017

Талеб Рифаи: EXPO -2017 өткізу Қазақстанға Дүниежүзілік туристік картадан ойып тұрып орын алуға мүмкіндік береді

EXPO -2017 көрмесін өткізу Қазақстанды Дүниежүзілік туристік картаның ортасына дәл қояды, деп Астана экономикалық форумда Дүниежүзілік туристік ұйымның бас хатшысы Талеб Рифаи мәлім етті.
Астана қаласы23 Мамыр , 17:39

«Әлем экономикасы бүгінге тым нәзік және миллиондаған азаматтар екі қолға бір күрек іздеп сандалуда. Ал, инклюзивті өсім әлі күнге дейін күрмеуі қын мәселе күйінде қалып отыр. Осыған қарамастан мен үздік салалардың бірі - туризм түйінді түйіткілдің түйінін тарқатуда үлкен күш болатынына сенімдімін», - деді Талеб Рифаи.

Бас хатшы атап өткендей, 1950 жылы жыл сайын 22 млн. халықаралық туристер әлемді аралайтын болған. Ал, 2012 жылы бұл көрсеткіш 1 млрд.-қа жетті. Оның ішінде 5,5 млн халық өз мемлекетін аралаған және бұл сектор жыл өткен сайын өсе береді екен-мыс.

«Біздің болжамымыз бойынша 2030 жылға қарай халықаралық туристер саны 1,8 млрд.-қа жетеді. Олар әлемнің 1 трлн. долл.  астам экспортың және әлемдік ЖІӨ 9% береді. Айта кетерлік жайт, әлем бойынша 11 адамның 1 туризм саласында жұмыс істейді», - деп ол толықтырды.

«Туризм, мәдениет,  спорт, технологиялық индустрия, қызмет көрсетудің жаңа секторы экономиканың дамуының жаңа толқыны. Бұл Қазақстан сияқты мемлекет үшін өте маңызды. Оның ескі қалалары, мәдени құндылығы өте жоғары. Ал, EXPO -2017 көрмесін өткізу Қазақстанды  Дүниежүзілік туристік картаның ортасына дәл қояды», - деп Талеб Рифаи атап өтті.

Камила Амирова




Дерекнама

Яндекс.Метрика