Табиғи ресурстарды басқарудың жаңа жүйесі

АЭФ шеңберінде өзгермелі климатқа ауыл шаруашылығын бейімдеу мәселелері талқыланды

Сессия жұмысына ресми тұлғалар, Қазақстанның үкіметтік емес ұйымдардың, халықаралық ұйымдардың өкілдері, таяу және алыс шетелдерден ауыл шаруашылығы саласындағы ғалымдар мен мамандар қатысты.
Астана қаласы22 Мамыр , 10:49

Іс-шара барысында панельдік сессияға қатысушылар климаттың өзгеру проблемасын және оның ауыл шаруашылығының дамуына әсерін талқылады, отандық және халықаралық сарапшылардың ғылыми зерттеулері негізінде жер шаруашылығы жүйелерін дамыту және өзгермелі климатқа Қазақстан Республикасының ауыл шаруашылығы саласын бейімдеу бойынша бірқатар ұсыныстарды әзірледі, деп Ауыл шаруашылығы министрлігінде хабарлады.

Панельдік сессияны ашу кезінде ҚР Ауыл шаруашылығы министрі Асылжан Мамытбеков бәрінен бұрын ауыл шаруашылығы климаттың өзгеруінен туындайтын қауіптерден зардап шегетінін атап өтті. Аграрлық саланың климаттың өзгеруіне тұрақты болуы үшін салдарды бағалауды, ұзақ мерзімді бейімдеу үшін институционалдық әлеуетті өсіруді және табиғи апаттардан туындайтын қауіптерді басқару жүйесін құруды қарастыратын тиісті саясат жүргізілуі тиіс.

Панельдік сессияның қорытындысы өзгермелі климатқа ауыл шаруашылығын бейімдеу мәселелері бойынша ұсыныстарды әзірлеу болды.




Дерекнама

Яндекс.Метрика