Евразиялық одақ

ЕАЭО идеясы тәжірибелік әрекеттердің белгіленген бағдарламасына айналды – Қазақстан Президенті

ЕАЭО идеясы тәжірибелік әрекеттердің белгіленген бағдарламасына айналды. Бұл туралы Мемлекет басшысы Н. Назарбаев М. Ломоносов атындағы Мәскеу мемлекеттік университетінде еуразиялық интеграция бойынша дәріс оқу барысында мәлімдеді.
Әлемде28 Сәуір , 17:55

«ЕАЭО туралы идея қоғамның, оның ішінде ғылыми қауымдастықтың кең қолдауына ие болып, практикалық әрекеттердің нақты белгіленген бағдарламасына айналды. Еуразиялық экономикалық одақ - ТМД мемлекеттерінің басым бөлігі қатысатын еркін сауда аймағы. Кеден одағы, БЭК Қазақстан, Ресей мен Белорусь елдерінің, яғни біздің бірлескен жұмысымыздың жүйелі жемісі. 21 ғасырда біз қысқа тарихи мерзімнің феномені куәгерлеріне айналып отырмыз. Бұл – ғаламдық әлем тап болып отырған бүгінгі күннің қауіп-қатері», - деді Мемлекет басшысы. 

Оның айтуынша, еуразиялық ықпалдасу мәселелерін айтарлықтай қысқа мерзім ішінде шешуге тура келіп отыр. 

«Салыстыратын болсақ, Еуропада ықпалдасу үдерісінде кедендік одақты құруға 11 жыл, ортақ нарыққа - 34 жыл, экономикалық және валюталық одақты жасауға - 40 жыл қажет болды. Ол кездегі тарихи жағдай да, қауіп-қатерлер де өзгеше болды. Еуразиялық ықпалдасу жүргізуге мұндай ұзақ уақыт жоқ. Кеден одағы өз жұмысын 2011 жылдың жазында бастады. 2010 жылы оны құру туралы шешім қабылдаған болатынбыз. Еуразиялық одақ түрлі дағдарыс жағдайларына тап болуы мүмкін. Мұны біз білеміз. Мысалы, әлемдік экономикада мұндай жағдайды Еуроодақ өз басынан кешіп отыр», - деп атап өтті Елбасы.

Айта кетейік, бүгін  Мемлекет басшысы Н. Назарбаев М. Ломоносов атындағы Мәскеу мемлекеттік университетінде еуразиялық интеграция бойынша дәріс оқыды.

 




Яндекс.Метрика