Өңірлер

«Самұрық-Қазына» ҰӘҚ 5 жаңа компания бойынша жұмыс істей бастады – Ө. Шөкеев

«Самұрық-Қазына» ҰӘҚ 5 жаңа компания бойынша жұмыс істей бастады. Бұл туралы Орталық коммуникациялар қызметінің баспасөз қызметінде қордың басқарма басшысы Өмірзақ Шөкеев хабарлады.
Астана қаласы 27 Ақпан, 13:36

«Салалық бағытқа келетін болсақ, егер мұнай газ жобасы басымдылықта тұрса, біз қазір 5 бағыт бойынша жұмыс жасаудамыз. Оған «Самұрық-Энерго» компаниясының энергетикасы, «Таукен Самұрық», тау-кен металлургиялық  мұнайгазхимиясы, органикалық химия, машинқұрылыс бизнесі мен жылжымалы мүлік қоры», - деді Ө. Шөкеев.

Оның айтуынша, қорда 2022 жылға жаңа бағыттар мен тапсырмалар қойылуда, ол компанияның құнына байланысты.

«Мәселен, «Самұрық – Энерго» құны бүгін 5 млрд 500 млн долларды құрайды, 2022 жылы компания капиталы 22 млрд құрауы тиіс, «Таукен Самұрық»  компаниясы 5 млрд долларға жетуі тиіс», - деді ол.

Қордың басқарма басшысы айтқандай, аталған жобаларды жүзеге асыру барысында Мемлекет басшысы ірі трансұлттық компаияларды тартуды тапсырған болатын.

«Сондай-ақ, оларды жобаға шақыру бір деңгейде жүзеге асыру керек. Басты   мақсат – трансферттік технология  арқылы жүзеге асуы тиіс», - деді Ө. Шөкеев.

 

 





Яндекс.Метрика