Басқару

Қ.Тоқаев Н.Ноғаевқа әлеуметтік тұрмысы төмен тұрғындар тобына қолдау көрсетуді тапсырды

Мемлекет басшысы Атырау облысының әкімі Нұрлан Ноғаевты қабылдады, деп хабарлады Ақорданың баспасөз қызметі.
Нұр-Сұлтан06 Тамыз , 17:20

Кездесу барысында Қасым-Жомарт Тоқаевқа облыстың әлеуметтік-экономикалық дамуы және өңірдегі қоғамдық-саяси ахуал жөнінде мәлімет берілді. Сондай-ақ, Президентке тұрғындардың әл-ауқатын арттыру бойынша берілген тапсырмалардың орындалу барысы туралы баяндалды.

Мемлекет басшысы алдағы уақытта да Атырау облысының даму қарқынын сақтап, одан әрі арттыру, өңір инфрақұрылымын жаңғырту қажет екенін атап өтті.

Соңында Қасым-Жомарт Тоқаев облыс әкіміне әлеуметтік тұрмысы төмен тұрғындар тобына жан-жақты қолдау көрсетуді, сондай-ақ барлық салалық бағдарламалардың уақытылы жүзеге асырылуын қамтамасыз етуді тапсырды. 

 




Яндекс.Метрика