"Денсаулық" мемлекеттік бағдарламасы

Қызылордада медицина орталығы ашылды

Қызылордада «Бизнестің жол картасы - 2020» бағдарламасы аясында медицина орталығы ашылды, деп хабарлады қала әкімдігі.
Қызылорда 12 Қаңтар, 14:28

«Кез келген мемлекеттің ең басты байлығы, бұл – адами капиталы.Біздің басты мақсатымыз да, халықтың әлеуметтік жағдайымен қатар рухани және денсаулық жағдайын жақсарту болып табылады. Өздеріңіз білесіздер, соңғы жылдары біздің өңірімізде жергілікті инвесторларды тарта отырып, мемлекеттік - жекеменшік әріптестік аясында қала халқына қажетті түрлі әлеуметтік нысандардың саны артып келеді. Қаламызда денсаулық сақтау нысандарының санын арттырып отырғаны үшін жоба жетекшісі Ким Сергей Романовичқа риясыз алғысымды білдіремін және жаңа бастамаларыңызға табыс тілеймін. Жаңа медициналық клиника құтты болсын ағайын!Жаңадан ашылғалы тұрған бұл ғимарат, халықтың игілігі үшін қызмет етсін» – деді қала әкімі Н.Нәлібаев орталықтың ашылуында.

«Агрохимсервис» жауапкершілігі шектеулі серіктестігі жүзеге асырған бұл жобаның жалпы құны – 550 млн. теңге болса, оның 130 млн. теңгесі Даму қоры арқылы жеңілдетілген несиемен қаржыландырылған. 1 мың 200 шаршы метрді құрайтын жаңа клиника қала халқына медициналық көмек көрсетуге қажетті заманауи құралдармен қамтамасыз етілген және жалпы терапиялық қызмет көрсетеді.

Ең маңыздысы, бұл клиника 40 адамды тұрақты жұмыспен қамтиды.





Яндекс.Метрика