Адами капитал

Павлодарда «ASARPVL» әлеуметтік жобалар жәрмеңкесі өтуде

Павлодарда 15 үкіметтік емес ұйым 28 әлеуметтік жобасын таныстырды, деп жазады pavlodarnews.kz.
Нұр-Сұлтан 23 Қараша, 11:44

«ASARPVL» әлеуметтік жобалар жәрмеңкесін «Рухани жаңғыру» бағдарламасы аясында ішкі саясат басқармасы және «Павлодар облысының азаматтық альянсы» қауымдастығы ұйымдастырды.

«Аталмыш шараның мақсаты - азаматтық қоғам ұйымдары, бизнес пен мемлекеттік билік органдары арасындағы әріптестік қарым-қатынастарын дамытуға ықпал ету. Жәрмеңкеде үш бағыт бойынша келесідей жобалар ұсынылады: мүмкіндіктері шектеулі адамдарды, тұрғындар мен жастардың әлеуметтік осал топтарын қолдау, экология және өлкетану, азаматтық қоғам ұйымдары мен әлеуметтік кәсіпкерлікті, қолөнер кәсібін дамыту», - деп хабарлады ұйымдастырушылар.  

Жобаларда ҮЕҰ қызметін дамытуға арналған идеялар, мемлекеттік әлеуметтік тапсырысты іске асыру және бизнестің әлеуметтік жауапкершілік бағыттары қамтылған. Іс-шараны өткізу барысында өңірдің мүдделі мекемелері мен азаматтық секторы өкілдерінің арасында меморандумдарға қол қойылады, деп күтілуде.

Сондай-ақ, «Рухани жаңғыру» жобалау кеңсесі өкілдерінің қатысуымен ұйымдастырылған пікірталас алаңында іс-шараға қатысушылар  пікір алысып,  толғандырған мәселелер бойынша кеңес алады.





Яндекс.Метрика