АШК – Қазақстан экономикасының драйвері

Агроөнеркәсіп саласында бәсекеге лайықты 82 жобаның базасы бар

Бүгінде бәсекеге лайықты және ең қажетті деген 82 жобаның базасы жинақталған. Аталмыш әзірлемелер коммерцияландыруға және таратуға дайын. Бұл туралы Орталық коммуникациялар қызметінде өткен «Қазақстанның үшінші жаңғыруы: жаһандық бәсекеге қабілеттілік» атты Елбасы Жолдауын талқылауға және іске асыру шараларына арналған «Аграрлық ғылымның АӨК бәсекеге қабілеттілігін арттыруға қосқан үлесі» тақырыбындағы баспасөз мәслихатында айтылды.
Нұр-Сұлтан 21 Қараша, 17:18

«ҚР Ауыл шаруашылық Министрлігі ғылым және өндіріс арасындағы байланысты қамтамасыз ету бойынша жұмыстар жүргізіп жатыр. Бұл фермерлер үшін минималды шығындармен инновациялық технологияларды енгізумен айналысатын ауыл шаруашылық тауар өндірушілердің санын 10%-дан - 25%-ға  дейін арттыруға мүмкіндік береді»,-дейді ҚР АШМ «Ұлттық аграрлық ғылыми-білім беру орталығы» КЕАҚ Басқарма төрағасы Асқар Нәметов.

Бүгінгі таңда Ұлттық аграрлық ғылыми-білім беру орталығының құрамына 3 аграрлық ЖОО, 31 филиалдары бар 23 ғылыми зерттеу институттары, 7 тәжірибелік шаруашылықтар, 7 селекциялық станциялар, 4 сервистік компаниялар кірген.

Ғылыми зерттеулермен айналысатын қызметкерлер саны 4 163 адамды құрап, олардың ішінде 141 ғылым докторы, 369 ғылым кандидаты, 11 PhD докторы мен 289 магистр бар.

 

Есбол Социалхан

 





Яндекс.Метрика