Халықаралық интеграция

Д. Қалетаев: Ереванда Жол картасына қол қоюдан бас тарту – дұрыс шешім

Армения, Қырғызстан, Ресей және Беларусьтің қатысуымен Еуразиялық үкіметаралық кеңес отырысы аясында Қазақстан Үкіметінің Ереванда Жол картасына қол қоюдан бас тартуы туралы өз пікірін сенатор Дархан Қалетаев білдірді.
Астана қаласы 27 Қазан, 10:42

«Жол картасын пысықтау қажет, онда өте аз мәселелер қамтылған және оған шұғыл түрде қол қою қажет деп ойламаймын. Бұл мемлекетаралық қарым-қатынастардың әдеттегі процесі және белгілі бір шешімді талап етеді», — деді Д. Қалетаев.

Депутат ҚР Премьер-Министрі Бақытжан Сағынтаевтың шешімін толық қолдайтынын және болашақта екі ел де құрылымдық шешім үшін ортақ тіл табатынын атап өтті.

«Бұл мәселелер тек Қазақстанға ғана қатысты емес, ҚР Премьер-Министрі нақты сандарды мысалға келтірді. Мен оның позициясын толық қолдаймын, Премьер-Министр біздің мүдделерімізді қорғауда. Бұл дұрыс. Бізде бір-бірімізге қатысты мәселелер туындайды, алайда, біз ортақ шешімге келеміз деп ойлаймын», - деп қорытындыладыл сенатор.

Еске сала кетейік, Арменияда өткен Еуразиялық үкіметаралық кеңесте ҚР Премьер-Министрі Бақытжан Сағынтаев Қырғызстанға байланысты ЕАЭО елдерінің миллиардтаған шығындары туралы айтып өткен болатын. Отырыс қорытындылары бойынша ҚР Премьер-Министрі Жол картасына қол қоюдан бас тартты.  

Қайрат Жандыбаев





Яндекс.Метрика