Адами капитал

Қазақстанда Әлеуметтік сақтандыру көрсеткіштерінің картасы іске қосылды

ҚР Еңбек және халықты әлеуметтік қорғау министрлігі әлеуметтік сақтандыру көрсеткіштері туралы ақпарат беретін Картаны іске қосты.
Казахстан 13 Қазан, 11:33

Ведомство хабарлағандай, аталған жаңа құрал жұмысымен «Мемлекеттік әлеуметтік сақтандыру қоры» АҚ сайтында танысуға мүмкіндік бар.

«Әлеуметтік сақтандыру көрсеткіштерінің картасын» жасаудағы басты мақсат – халықты міндетті әлеуметтік сақтандыру жүйесінің негізгі көрсеткіштерінен ақпараттандыру, жұмыс істейтін халықты қосыша әлеуметтік қолдау бойынша  өз құқықтары мен мүмкіндіктері туралы кеңінен түсіндіру  болып табылады», - делінген хабарламада.

Картада міндетті әлеуметтік сақтандыру мен әлеуметтік аударымдардың сомасы, сондай-ақ, әлеуметтік төлем алушылар саны, аударымдардың орташа мөлшері мен жалпы сомасы туралы мәлімет жинақталған.

Бұл ақпараттық қызмет мемлекеттік органдар мен  жұмыс берушілерге, сонымен бірге азаматтарға да қажет. Бүгінгі таңда Карта еліміздегі әрбір аудан орталықтары бойынша міндетті әлеуметтік сақтандыру жүйесі туралы негізгі мәліметтерімен танысуға мүмкіндік береді.

Картаны жетілдіру жұмыстары әлі де жалғасын тауып,  одан әрі өзекті көрсеткіштермен толықтырылатыны көзделіп отыр.

 

 

 





Яндекс.Метрика