Экономика

ОҚО әкімі индустриалды аймақтардағы кәсіпорын басшыларымен кездесті

Кәсіпкерлерге қолдан жасалатын кедергілер жойылып, бюрократияға жол берілмеу керек. Бұл туралы Оңтүстік Қазақстан облысының әкімі Ж.Түймебаев шағын және орта кәсіпкерлікті дамыту мақсатында өңірдегі іскер азаматтармен кездесуі барысында айтты.
Оңтүстік Қазақстан 28 Қыркүйек, 16:57

«Өңірдің өндірісін көтеріп және облыс экономикасының дамуына орасан үлес қосып отырған осы шағын және орта кәсіпкерлік саласы. Бүгінде кәсібін дөңгелетемін деген әрбір кәсіпкерге мемлекет бар жағдайды жасап отыр. Өздеріңіз кәсіпорын ашып отырған индустрирлды аймақта Елбасының бастамасымен қолға алынған үдемелі индустрирлық-инновациялық даму бағдарламасы аясында құрылған»,- деді әкім.

Бизнес өкілдерімен болған кездесуде отандық өндірісті дамыта отырып, сыртқы тауарды қыстарту және экспортты ұлғайту мәселесі талқыланды. Сонымен қатар, индустрирлды аймақта орналасқан кәсіпорындар аумағын көгалдандыру мен бос жатқан жерлерді игеру жайы да қаралды. Онда облыс әкімінің орынбасары трансформатор шығаратын «Asia Trafo» кәсіпорыны өз қаржысы есебінен «Тассай» индустриалды аймағында шағын бау егетінін айтып, өзгелерге үлгі етті.

Кездесу барысында «Амир-А» ЖШС-нің директоры Айман Амирбекова «Оңтүстік» индустриалды аймақта құны 7 миллиард 11 млн теңге болатын металлургиялық зауыттың құрылысы жүргізіліп жатқанын мәлімдеді. Жылына 500 мың тонна металл бұйымдарын шығаруға қауқарлы өндіріс орны іске қосылғанда 260 адам жұмыспен қамтылатын болады.

Айта кетейік, «Оңтүстік» индустриалды аймақта жалпы сомасы 55,8 млрд  теңге болатын бес мың жұмыс орнымен 85 жоба жүзеге асырылуда.  Оның бүгінде құны 21,4 млрд. теңге болатын 46 жобасы іске қосылып, үш мың адам жұмыспен қамтылып отыр. Ал «Бадам» индустриалды аймағында 14 жоба жүзеге асырылып жатса, бүгінде оның 3-уі іске қосылған. «Тассай» ИА бүгінде 27 жобаны жүзеге асыру жоспарланса, оның 4-уі іске асырылған.

 





Яндекс.Метрика