100 жаңа есім

100 жаңа есім: Аспанбек Шұғатаев

Киелі Керекудің баршаға мәлім Баянауылында дүниеге келіп, айтысқа алғаш 12 жасында шыққан Аспанбек Шұғатаев есімі өлең сайысын сүйіп тамашалайтын қазақ көрермендеріне «Алтын домбыра» жобасы арқылы жақсы таныс. «Тәуелсіздігім туса да, тәубелі күнім тумады» деп жырлаған ақын 2015 жылдың желтоқсанында «Тәуелсіздікке тағзым» тақырыбында өткен «Алтын домбыра» республикалық ақындар айтысының бас жүлдесін иеленген, деп хабарлады el.kz.
Астана қаласы20 Қыркүйек , 10:57

Айбек Қалиев, Ринат Зайытов, Еркебұлан Қайназар сынды от ауызды, орақ тілді ақындардың қатарын толықтырған Аспанбек Шұғатаев "Жүрсіннің жүйріктерінің» ішіндегі қамшы салдырмас нағыз тұлпарға айналды. Оның бүгінде республикалық айтыстардан жеңген, иеленген жүлделерін санай берсек бес адам саусағының санынан жаңылысары анық. Сондай-ақ, туған жерін, өскен ортасын өлеңге қосқан Аспанбек ақын кезекті бір айтысын былай бастайды:

Бабаларым жатқан жер едің,
Кімдерге мәңгі бұ жалған.
Райымбек жатқан аптал бел,
Талай атанның жүгі ауған.
Сәтбаев атам жатқан жер,
Қаныштың тапқан байлығы
Кәрістің ұлын суарған.
Астананы саларда
Әбіштің ұлы қуанған.
Әлкей атам да осында
Қазақ деп қолға ту алған.
Таңбалы таспен тілдесіп,
Тарихымды ашқан тұманнан.
Кенжетайдың Шәкені,
Айдай сәулесін жағып тұр
Шәкенов жаққан шырағдан.
«Ұлы Абайды» түсіремін деп,
Орындалмай кеткен бір арман.
Байзақтың алтын байрағы –
Исустың қоңырауы емес,
Исаның жаттап өлеңін
Желдірмесімен жұбанғам.
Жарқырап тұрған шамға да
Мың шумақ өлең шығарған.
Дәурені жүріп тұрғанда
Киіз үйлі қазақта,
Қазақ түгілі араб та
Кім артық еді бұлардан?
Сәлем айтты сіздерге
Осыларды тудырған
Павлодар облысындағы
Баянауыл дейтін бір аудан.
Орта жүздің арғыны,
Бұқарасын жырлаған
Бұхарлардың қалдығы
Ассалаумағалейкүм,
Аспанбектей жыраудан!

Ақиқатты айтуда да Аспанбек Ерікұлы басқа ақындардан қалыс қалмайды.

«Долы да долы, долы күн,                                                                                                                                                                                                                                                                                       Жұртымның неге жолы мұң?                                                                                                                                                                                                                                                                                       Билiктен бастап бәрiнiң,                                                                                                                                                                                                                                                                                       Жалтақтық басқан көңiлiн.                                                                                                                                                                                                                                                                                       Бiз – қазақ деген xалықпыз,                                                                                                                                                                                                                                                                                         Заманы қалай құбылса,                                                                                                                                                                                                                                                                                             Қисайтқан солай бөрiгiн.                                                                                                                                                                                                                                                                                               Қу түлкi ғұмыр кешсе де,                                                                                                                                                                                                                                                                                               Жүрегiн берген бөрiнiң.                                                                                                                                                                                                                                                                                       Тiлiме тиек етейiн,                                                                                                                                                                                                                                                                                                   Тауқымет тартқан бүгiнгi,                                                                                                                                                                                                                                                                                 Қазақтың әрбiр өңiрiн»,-деп ақын дарқан даланың тау мен тасын, ауыл-қаласын жырға қосып, әр қазақтың басындағы түйткілді мәселелерді сұлу сөзбен жіпке тізіп береді.




Яндекс.Метрика