Көліктік-логистикалық жүйенің дамуы

Қазақстан арқылы 5 ай ішінде 110 контейнерлік пойыз жөнелтілді

Биылғы жылғы бес айда Чэндудан Польша бағытына қарай Қазақстаннан 110 пойыз жөнелтілді. Бұл туралы «Қазақстан темір жолы» ҰК» АҚ басшысы Қанат Алпысбаев Чэнду қаласы мэрінің орынбасары Се Жуй У-мен кездесуінде айтты.
Астана қаласы30 Маусым , 12:57

2016 жылы Чендудан Польша (Лодзь) бағдарына 160 контейнерлік пойыз жіберілсе, ол 2015 жылғы көрсеткіштен 2,6 есеге жоғары. Кері бағытта 85 пойыз жіберілді. Биылғы жылғы бес айда 110 пойыз жөнелтілді.

«Қазақстан темір жолы» АҚ хабарлағандай,  қазіргі таңда Чендудан Қазақстан аумағы арқылы Германия, Нидерланды, Беларусь бағдарына және кері қарай пойыздар жіберілуде.

Кездесуде Еуропа, ТМД, Орталық Азия, Иран, Түркия бағдарына тасымалдау көлемін ұлғайту, сонымен қатар Қорғас-Алтынкөл шекаралық өткелі арқылы жүк ағынын бағыттау көзделеді.

ҚХР сапары барысында «ҚТЖ» ҰК» АҚ басшысы Ганьсу провинциясының губернаторының бірінші орынбасары Хуан Цянмен кездесті. Кездесу барысында «Қорғас-Шығыс қақпасы» АЭА инфрақұрылым әлеуетін халықаралық логистикалық және котнейнерлік тасымалдауда бірлесіп пайдалану жайы сөз болды.

«Қорғас-Шығыс қақпасы» АЭА Құрғақ портымен жылына 500 мың контейнер тасымалдауға болады. Ол өз кезегінде Еуразиялық өңірдегі логистикалық хаб ретінде Кеден Одағының 180 миллион адамдық нарығына қызмет көрсетеді.

«Біз АЭА Құрғақ портында жүктерді өңдеу, ресімдеу, қайта тиеу қызметтерін бір жерден атқару арқылы шекаралық операцияны барынша жеделдетеміз. Сонымен қатар Қазақстан аумағымен өтетін контейнерлік пойыздарды тәулігіне 1200 шақырым жылдамдықпен өткізілуде»,- дейді Қ. Алпысбаев.

ҚХР сапары соңында «ҚТЖ» ҰК» АҚ «Sinotrans&CSC Holdings» компаниясымен контейнерлік пойыздар жасақтаудың стратегиялық серіктестігін орнату туралы Келісімге қол қойылды.
 




Яндекс.Метрика