Халықаралық интеграция

Қазақстанның негізгі қалаларынан Мысырға чартерлік бағдарлама ашылды

Астанада Қазақстанның негізгі қалаларынан Шарм-эль-Шейх қаласына (Мысыр) ұшу бағдарламасының ашылуына арналған баспасөз конференциясы өтті. Қазақстанның үш қаласы: Алматы, Астана және Атыраудан тікелей туристік рейстер жоспарлануда.
Астана қаласы 22 Мамыр, 16:49

Жаңа рейс демалуға жұмсалатын қаражатты едәуір үнемдеуге мүмкіндік береді. Қонақ үйлердің 90%-дан астамы арнайы қазақстандық отбасылар үшін балаларға тегін тұруды ұсынады. Шарм-Эль-Шейх әуежайы туристік рейстерге қызмет көрсету үшін арнайы төмен тарифтер енгізді, бұл тасымалдау құнын едәуір төмендетуге, сондай-ақ туристер Шарм-Эль-Шейх курортына ғана ұшқан жағдайда визасыз кіруге мүмкіндік береді. Осылайша, ұшуды, 5* қонақ үйінде тұру мен «Аll inclusive» жүйесі бойынша тамақтануды қоса алғанда, Қызыл теңізде 10 күн демалу шамамен 200 мың теңгені құрайды.

«Мысырдың артықшылықтары әркімге белгілі: Қызыл теңіз жағасында жыл бойы демалу, жақсы дайвинг және алуан түрлі экскурсиялық бағдарлама: пирамидалар, Сфинкс және Луксор. Мысырдың ашылуы басқа бағыттағы тұтынушылардың едәуір бөлігін тартып, қазақстандық туристер үшін ұсыныстарды арттыра түседі», - деді Kazunion туроператоры компаниясының директоры Қуаныш Байтұрсынов.

Кайрат Жандыбаев

Фото автора





Яндекс.Метрика